கவிதை வாசிப்பு நிகழ்வு – ‘வாசலிலே கிருஷாந்தி’ – பொற்பதி அறிவாலய மண்டபம், கொக்குவில்.

தமிழ்த்தேசியப் பசுமை இயக்கத்தின் ஏற்பாட்டில் சமகால அரசியல் தொடர்பான உரையரங்கு கடந்த புதன்கிழமை (29.07.2026) அன்று கொக்குவில் பொற்பதி அறிவாலய மண்டபத்தில் நடைபெற்றது. தமிழ்த்தேசியப் பசுமை இயக்கத்தின் தலைவர் பொ. ஐங்கரநேசன் தலைமையில் நடைபெற்ற இவ்வுரையரங்கில் ‘அரசியல் தீர்வு – எதிர்நோக்கும் சவால்கள்’ ‘கறுப்பு ஜூலை – கற்க மறந்த பாடங்கள்’ மற்றும் ‘செம்மணிப் புதைகுழிகள் – உயிர்த்தெழும் சாட்சியங்கள்’ என்ற தலைப்புக்களில் உரைகள் இடம்பெற்றன.

இந்நிகழ்வின் ஒரு பகுதியாக எழுநாவின் கலைவட்டத்தின் வெளியீடாகிய ‘வாசலிலே கிருஷாந்தி’ கவிதைத்தொகுப்பிலுள்ள கவிதைகள் ச. சனோஜி, கோ. கம்சாயினி, சு. சுருதிகா , ஜீ. ரஜீவன் ஆகியோரால் வாசிக்கப்பட்டன. தொடர்ந்து கறுப்பு ஜூலையில் பலியானவர்களினதும், செம்மணிப் புதைகுழியில் புதைக்கப்பட்டவர்களினதும் நினைவாக மெழுகுச்சுடர் ஏற்றி அஞ்சலி செலுத்தப்பட்டமையும் குறிப்பிடத்தக்கது. இந்நிகழ்வில் பொதுமக்கள், அரசியலபிரமுகர்கள் மற்றும் ஊடகவியலாளர்கள் எனப்பலரும் கலந்து கொண்டனர்

.